Ստեղծվել է քաղցկեղի եւ ՄԻԱՎ-ի նոր թեսթ

Քաղցկեղով կամ ՄԻԱՎ-ով հիվանդ լինելու մասին այժմ կարելի է իմանալ առանց առասպելական թվեր ծախսելու։ Ստուգումը բոլորին հասանելի է դարձել բրիտանական հետազոտողների շնորհիվ։ Նրանց հայտնագործությունը մի թեսթ է, որում հեղուկի գույնը փոխվում է արդյունքից կախված։ Դրականի դեպքում այն ներկվում է կապույտ, բացասականի դեպքում՝ կարմիր։

Թեսթն ունի եւս մի դրական կողմ՝ այն շատ զգայուն է եւ հայտնաբերում է նույնիսկ ամենանվազագույն քանակով վարակված բջիջները։ «Կարեւոր է հայտնաբերել նույնիսկ ամենցածր խտությամբ վարակված բջիջները, որպեսզի պարզել, կկրկնվի արդյո՞ք հիվանդությունը ուռուցքը հեռացնելուց հետո։ Դա կօգնի նաեւ ՄԻԱՎ-ի ախտորոշմանն այն դեպքում, երբ վարակի ծանրաբեռնվածությունը շատ քիչ է առկա մեթոդներով հայտնաբերելու համար», - հայտարարել է պրոֆեսոր Մոլի Սթիվենսը։

Հարցեր, պատասխաններ, մեկնաբանություններ